اسرار قيام بعض الجماهير بسب والسخرية من محمد صلاح

صورة محمد صلاح التي اثارت الازمة
صورة محمد صلاح التي اثارت الازمة
القاهرة –  الرياضة للأبد/ نشر محمد صلاح، المحترف المصري في فريق ليفربول الانجليزي صورة له اليوم عبر موقع التواصل الاجتماعي فيس بوك.
وأثارت الصورة التي نشرها صلاح ردود أفعال مختلفة بين جمهوره على مواقع التواصل الاجتماعي.
وظهر في الصورة عاريًا الصدر ومستلقي على أريكة، يداعب قطته، وتباينت ردود الأفعال بين ساخر ومهاجم له، ويرصد «الكابتن» بعض التعليقات.
وعلق لؤي  أسامة على الصورة قائلًا:” ياريتني كنت القطة، مستخدمًا برنامج تركيب الصور في وضع وجهه مكان وجه القطة”.
بينما وجه مات ساكيرين الدعاء لصلاح قائلًا:” يا الله من فضلك كن راعيًا لمحمد صلاح، وامنحه الأداء الأفضل في الموسم، نحن مسلمين من كامبوديا”.
 بينما علق حساب وهمي ساخر باسم محمد حسنى مبارك: “يا ابو صلاح من ساعة ما بقيت تتصور ملط ومستواك نزل لشرقية للدخان”.
واستمرت السخرية فقالت سماح عبد القادر: ” كان هيجرى ايه لو تفاوضت مع قطونيل قبل ما تمضي لكيلفين كلاين ؟؟!!”.
وكتبت مريم فيكتور: “عزيزي محمد صلاح، أكتب لك هذا التعليق لأشكرك لأنك مصدر فخر لنا كمصريين،  شكرًا لأنك أظهرت للجميع أن الإسلام لا يعني الإرهاب، لأنك ظهرت كمثل أعلى مثالي للأطفال والكبار أيضًا، لأنك لم تستسلم أبدًا، وأظهرت لنا أن كل شيء ممكن ولكن فقط الأمر يحتاج لبعض المجهود،  وجعلتنا نؤمن بأحلامنا وقدرتنا على تحقيقها، ولأنك أظهرت للعالم كله أن المصريين أقوياء”.
وعلق محمد جايتي: “كنت أظن أن محمد صلاح بإمكانه منافسة رونالدو وميسي، ولكنني تيقنت أن موسم2017-2018 كان مجرد ضربة حظ وليس موهبة”.
كما كتب  محمود الألفي: ” ام مكه مش قادره تنسي انها مصريه وفارشه ملايه بيضا علي الكنبه”.
وسخر عبد الله عيسى: ” افتح ايدك يابو صلاح..انت نايملى ع بطنك وبتلعب مع البسه و بطلت تركز وماني عامل شبح عليك”.
 وكتب جاي أرمل: “حقًا كالفين كلاين؟، هذا يعني أنك أصبحت نجمًا الآن،  أتمنى أن تعود لتسجيل الأهداف قريبًا، يوم الأحد، أنا أعلم أنك الأفضل، ولكن عليك أن تستمر في التسجيل ليعرف العالم كله أيضًا”.
وعلق محمود عفيفي: ” خربت بيتنا في الفانتازي بس برضوا متمسكين بيك .. سيبك من القطة وركز بقي عايزين هاتريك”.
كما كتب محمد صلاح، “أحد المشجعين”: ” ياأخى والله ابتسامتك دى مريحة نفسيا لينا كلنا والله، احنا بقينا مرتبطين بيك بدرجة مش طبيعيه يا صلاح، تخيل لما الناس تبقى مبسوطه وفرحانه علشان انت مبتسم بس وكل الناس زعلانه ومتضايقه علشان انت مش فى الmood او كان الday off بتاعك فى ماتش من الماتشات، انت بقيت حالة يا صلاح انت بقيت المتحكم الاول والرئيسى فى مزاج كل المصريين فى اى يوم.
سيبك يابنى من كل المشاكل ومن اتحاد الكورة وركز فى اللى انت بتعمله ورك فى هدفك وبس، خفف الضغط على نفسك اتنت مش محتاج تثبت اى حاجه لاى حد ولا حتى لنفسك، انت احسن لاعب فى افريقيا وفى الدورى الانجليزى وهداف الدورى الانجليزى و3 ااحسن لاعب فى العالم و3 احسن لاعب فى اوروبا والحاصل على جايزة بوشكاش، شيل الضغط من عليك يابنى وكمل ذى مانت انسى كل اللى حواليك، ربنا معاك يا بو صلاح ويحميك يارب ومن نجاح لنجاح يا صديقى ان شاء الله”.
وعلق محمد البدراوي: “يا ابو صلاح الكابتن بتاعى مبيلعبش مع القطط مش بنهزر عندنا فنتازيا وشغل كبير لو مظبتش الماتش الجاى هشيل منك الكابتنه وهتتغرم ب ماتشين احتياطي”.
وكتب رضا عبد الله: ” من ساعة ما بدأت تنزل صورك وإنت قالع كدة مابقتش نافع صحصح ياعم وافتكر إنت كنت بادئ الموسم إللي فات إزاي”.
بينما علق طارق الفطافطه: “عقلك فى راسك ، كورتك فى رجلك عينك ع الجون واللى يقولك باصى لمانى قطعه”.
وعلق مشجع آخر باسم محمد صلاح قائلًا: “سيب القطة والنبي وركز ياشيخ ربنا يفتحلك سكة الجون ان شاء الله”.

كما نشبت بعض الخلافات بين المشجعين إذ تطاول البعض على صلاح بسبب ظهوره عاري الصدر، ووصلت إلى حد السباب والشتائم ودافع البعض الآخر عنه.

لمزيد من الاخبار والتقارير والفيديوهات حصريا .. لحظة بلحظة تابعوا صفحة

اضغط هنا للعودة للصفحة الرئيسية

You may also like...