مفاجاة خطيرة يفجرها باسم مرسي

باسم مرسي

باسم مرسي

القاهرة –  الرياضة للأبد/في مفاجأة خطيرة كشف باسم مرسي مهاجم فريق الزمالك عن كل التفاصيل الخاصة بعودته من جديد إلى القلعة البيضاء وعدم بقائه مع فريق سموحة وفسخ عقد الإعارة.

وكتب اللاعب عبر حسابه على موقع التواصل الاجتماعي “تويتر” :تلقيت اليوم اتصال من مسئول ف نادى الزمالك يطالبنى بالرجوع ، قالى بالنص ” عندى ليك مفاجأة ، الزمالك عايزك ترجع و تروح نادى تانى بدل سموحة ، احنا الاخرنا البطاقة الدولية عشان لو كنت لعبت الماتش مكناش هنعرف نرجعك بسبب موضوع معين بقيت انا طرف فيه بدون ارادتى ، دلوقتى قدامى اختيار من اتنين الاول انى العب ف الزمالك و المدرب مش عايزنى بالف جنيه ف ست شهور ….”.
وأكمل “الاختيار التانى انى انتقل لفريق ترتيبه الاخير ف الدورى . هل انا بعد ما لعبت اربع مواسم ف الزمالك ، حصلنا فيهم على ٥ بطولات و احرزت ٥٣ جول ، دة يكون مصيرى من مسئولين نادى الزمالك ؟! ،قبل كدة انا مكنتش بطلع اتكلم ، بس الموضوع يوصل ان يتقال ان التاخير بسببى فى موضوع البطاقة الدولية و تشويه سمعتى ان دة بسبب خلاف مادى بينى و بين النادى اليونانى ف دة مش صحيح.”.
وواصل “انا عقدى اتفسخ رسمى من الاتحاد اليونانى ، لو مكنش اتفسخ رسمى مكنش يحقلى انى اتمرن مع نادى سموحة ، انا فى وقت اقامتى كاملة ف اليونان ، حصلت على ٥ الاف يورو فقط و اتنازلت عن جميع مستحقاتى للزمالك و جددت سنتين اتنازلت فيهم عن ٤ مليون جنيه عشان يوافقوا على احترافى ،و عند انتقالى اعارة لسموحة جددت سنة كمان على بياض، انا هرجع نادى الزمالك مش لو بالف جنيه لو ببلاش لان شرف ليا انى العب ف نادى الزمالك”.المزيد

واتم “مكنتش حابب انى اتكلم رغم اتصال عدة برامج بيا من وقت وصولى للقاهرة لتوضيح عدة امور بمقابل مادى بس انا كنت برفض ، وأكمل “انا حالياً بعد ما استقريت فى الاسكندرية و نقلت اسرتى و اغراضى و استأجرت محل سكن ، تم ابلاغى انى لازم الغى كل دة و ارجع حالاً يا اقعد ست شهور ف البيت، يارب الناس الكانت بتتهمنى انى مقصر طول الوقت و بعمل مشاكل تكون الصورة واضحة لهم ، انا طول الوقت بتحط ف مشاكل انا مش سبب فيها . اسف على التطويل بس كان لازم التوضيح”.

لمزيد من الاخبار والتقارير والفيديوهات حصريا .. لحظة بلحظة تابعوا صفحة

اضغط هنا للعودة للصفحة الرئيسية

ملاحظة هامة حول نسخ مواضيع الموقع : استناداً إلى قوانين جرائم الحاسوب ، فإن نسخ المواضيع من موقعنا بدون الحصول على إذن هو أمر مخالف للقانون و يعرضك للملاحقة القضائية . إن الموقع تم تزويدة بأقوى البرمجيات التي تكشف هذا أمر . في حال تم نسخ أحد مواضيعنا بدون الحصول على إذن منا ، فإننا سنلحظ ذلك في أقصر وقت ممكن عن طريق البرمجيات القوية جداً التي قمنا بتنصيبها على موقعنا، وسيتم الملاحقة الشرطية والقضائية عن طريق مركز جرائم الحاسوب . في حال رغبتكم بنسخ محتويات و مواضيع موقعنا يجب أن تخاطب الادارة حتى لا تتعرض للملاحقة القانونية .