نبتدي منين الحكايه؟

الخطيب وأشرف صبحي
الخطيب وأشرف صبحي
الرياضة للأبد :
بقلم: تريز جرجس
أيه ده أنت بتعمل كده ليه ؟ معقول!!!!

يعني أنت عايز تكون عندك شخصيه؟؟
طيب أنت جالك عين تتحداني ؟؟
معقوله و كمان واقف قدامي!!!!!!
أيه ده عايز تخطف مني نجم السنين الكتير اللي فاتت اللي كان مكسر الدنيا أخر عشر سنين ( بالرغم أن عقده كان منتهي ) عايز تاخده كده بسهوله و تدفع له أربعين مليوووووون كاش علي الترابيزه ياخدهم في شنطه و هو مروح!!!!!
لا لا تعالي رايح فين ؟؟؟يضغط علي الاسد و يتقرص علشان الجماهير ما ينفعش تنام مقهوره و زعلانه و يجبروك انك تتراجع و تتنازل و ترجع للسعيد عقده و يجروا في الشوارع علشان يوثقوه بسرعه و يشحنوا الراجل بره يهربوه ما هم ملوك التهريب .
انت اتجننت و لا وقعت و لا الهوا رماك؟؟؟
عايز تمشي كوتش كبير بحجم جروس و تبدل فرقتك و تجيب أحسن لاعيبه أسم أسم بن شرقي علي أوناجم علي غيرهم و كمان تدفع كاش و علي الترابيزه !!!!  لا لا أكيد انت أتجننت !!!!!
طيب عايز تبوظ كل الصفقات و تلطشها و تاخدها من الاهلي ؟؟؟ يا ابني فووووق
ايه ده أنت عايز تكسب رايح جاي و تكسب السوبر كمان من الاهلي يا نهار اسود!!!!تكسب الرجاء و الترجي رايح جاي في افريقيا و تكون نمبر وان في القاره لا لا لا لا ما ينفعش . طيب ايه اللي ينفع؟؟؟

الجدع كارتيرون.. يمشي شوفوا له عقد بكام مليون لفرقه واقعه خلوه يمشي. ألعب ياله في العينات هات شركه ستادات اللي ماتفهمش القرع من البلح الامهات
علشان تلعب في العينات و تغير لاهم تلات لعيبه يعني اكسر عمود الفريق تمام و لا لسه؟ و أه لو لعبت يا زهر و تتبدل الاحوال….. تعالوا غيروا الحكام بدلوا الفار هاتوا حكامنا هاتوا اللي شايلينا .. وهوب خلاص أفريقيا خلاص راحت . خلاص و لا لسه؟؟
شيل ، أنسف ، أركن مرتضي علي جنب ، أمير أخفيه رجع كل العاهات اللي علي أيديهم الزمالك مات ، العتال علي عباس علي كل العاهات دي ، شيل ارمي بلاويك علي الراجل  زحلقه في كام مخالفه تفصيل اهي الطلقه اللي ما تصيبش تدوش و تفضل تلف و تدور لغايه ما تختفي.
اطلع يا وزير الا مساس يلي ما عندكش احساس و أخرب و عين في لجان مالهاش اي تلاتين لازمه لجان بتشتغل بالريموت من مكتب الوزير الكل كان هدفه تدمير النادي اللي فرقه بقت عملاقه، النادي اللي دمر نفسيه نانوس عين أمه و أهله. تعالي يا وزير الا مساس كمل خراب في الاساس مشي الهداف هداف أفريقيا الاول يتباع في صفقه مشبوهه ضيعت علي الزمالك الكثير و لسه حا تضيع أكثر ،مشوا عملاق و جابوا لعيبه كسر .غير لجنه و هات غيرها تكمل خراب و تدخل بالحنجل و المنجل و تنزل بالباراشوت و شنط الرزم جراهم علشان توهم الجماهير بأنها جايه تنقذ ما يمكن إنقاذه و أن أول اهتماماتها التجديد لساسي و لباقي اللاعيبه .و يحل الخراب و المصائب فوق دماغنا ايه اللي حصل؟ دول بيطفشوا ساسي و بيتامروا علي الباقي و عايزين يعملوا الظاهر توأمه حرام و غير شرعيه مع ابليس اللي بيحاربنا و خرب النادي و بيخطف اللاعيبه وبيدمر في الباقي بعروض وهميه ، طهقتوا ساسي و غيره جاي في الطريق.

ايه تاني ناقص ما عملتهوش لعبتوا علينا و أوهمتونا انكم لجنه برجوازيه جايه بشنط الفلوس تحلوا خلال خمسه عشر يوم. و ابتدي الشغل علي الهادي ما شوفناش غير مناظر و كلام و حركات مثلا :
أبطال أفريقيا في الباسكيت يلا اللقطه و التشجيع و أضحك علشان الصوره تطلع حلوه طيب أيه دوركم أصلا في البطوله دى؟؟ دول أولاد مرتضي منصور مالكوش فيه من الاخر. عملتوا أيه في واقعه الشباب اللي اتقبض عليه علشان لابس تي شيرت الزمالك و رايح يستقبل أبطال أفريقيا الحقيقيين عملتوا ايه لما الولاد اترموا في الحجز مع المجرمين و أتعاملوا و لا الارهابيين؟؟ و لا أي حاجه و لا اتحركتوا،، لما لقيتوا المستشار بعت محاميين من مكتبه و خرجوا الولاد طلعتوا بيان أقول ايه حاجه تكسف و تخجل اتكسفوا عيب عليكم. عايزينا نصدقكم طيب أذاي أيه البرهان؟؟ أذاي و أحنا مصدومين!! كلام من غير أفعال.طهقتوا ساسي وبن شرقي  سايبين التعبان  يلف و يلعب بدماغه ذي ما لعب في دماغ زيزو و أوباما و ضيعهم اقسم بالله حا ينتهوا يكفي ضعف نفوسهم .مش بس كده ايه؟؟ جايين تحلوا و لا ترهنوا النادي بالقرض المشبوه أبو سبعين مليون و غير فوائده هو أنتم عايزين النادي يتباع في المزاد.

فاتحين مكاتبكم تستقبلوا فيها إرهابيين و أعداء الوطن خلاص انتم اتفضحتوا. ممكن يا سياده الاستاذ المحترم لبيب توضح لنا موضوع استقبالك لالد عدو للزمالك اللي راهن علي رصيد النادي في البنوك و رافع علي النادي قواضي و موقف حال النادي لغايه دلوقتي سيادتك بتستفز جمهور الزمالك الرمز الحقيقي الباقي للنادي ؟؟؟؟ خلاص أحنا أصبحنا بنكره الكدابين و المنافقين بنكره اللي بيدمروا في النادى بنكره كل اللي بيتعاون مع أبليس مفسده الرياضه في مصر.
لسه الكلام ما خلصش الكلام كتير مش حا نسكت و لا حا نسيبكم تلعبوا بينا و تضحكوا علينا أياكم تفتكروا أن أحنا مش فاهمين لا أحنا عارفين و متوقعين و مستنيين بس اللحظه. دلوقتي وقت المشاهده بس اللي جاي مش حا تتخيلوه….و اتقي شر الحليم إذا غضب و الايام بيننا و الله معنا و ليس لنا سواه.

الرياضة للابد ,تريز جرجس ,مرتضي منصور ,فريق الزمالك ,تدمير الزمالك,انهيار الزمالك

لمشاهدة جميع المقالات والأخبار إضغط هنا

لسرعة التواصل معنا ارسل ايميل لنا ..اضغط هنا

You may also like...

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *