أكاذيب حسين لبيب – بقلم دكتور سامح رضوان

الرياضة للأبد :
د. سامح رضوان

د. سامح رضوان


مقال بقلم – د. سامح رضوان

جماهير الزمالك العظيمة في مصر و العالم 

تحياتي اليكم جميعا و تحياتي الي كل أعضاء قناة الجرئ  TV 

أكاذيب حسين لبيب و دوره في هدم نادي الزمالك  

 خرج علينا حسين لبيب الكذاب فى حوار مع  ميدو لكى يتم التقطيع فى مجلس مرتضى منصور
حسين لبيب ظهر بدموع التماسيح وكل دا دعاية انتخابية للنيل من مرتضى منصور ومجلسه
حسين لبيب ذكر بأن الزمالك به كوراث غير طبيعية
وسببها المجالس السابقة للزمالك ٠٠
مرتضى منصور يالبيب هو من قام ببناء نادى الزمالك من إنشاءات جديدة وعمل النادى الاجتماعى وهو من سدد ديون النادى سواء للاعبين الاجانب او المصريين مرتضى منصور سدد فلوس اللاعب كريم الحسن واجوجو وريكاردو وكذلك دفع فلوس اسلام عوض ومحمود فتح الله وعبد الواحد السيد واحمد سمير  وكان السبب فيها ممدوح عباس
 والمجالس المعينة ٠٠
مرتضى منصور أعاد نادى الزمالك للحياة وعمل فرق قوية فى جميع الالعاب بداية من القدم واليد والسلة والطايرة مرتضى منصور صاحب الصفقات القوية وكان قادر الحصول على اى صفقة حتى لو كانت من نادى الاهلى والخطيب وحصل بالفعل وتعاقد مع عبدالله السعيد واحمد فتحى وهما لاعببن فى صفوف الاهلى 

مرتضى منصور هو من اقنع عبدالله السعيد واحمد فتحى فى ظل عجز الاسطورة بيبو فى التجديد لهم ولولا تدخل ترك الشيخ لإنقاذ اسطورة الساعات لكانت الفضيحة الكبرى للساعاتى
 حصول فرق الزمالك هذا الموسم على بطولة دورى القدم واليد والسلة وكاس مصر للطايرة وبطل افريقيا فى اليد والسلة كان السبب الحقيقى مرتضى منصور هو صاحب الفضل بعد ربنا و جماهير الزمالك و اللاعبين وليس غيره كل هذه الصفقات كانت من مجلس مرتضى وليس حسين لبيب الكذاب ٠٠
اما عن كلام الكذاب حسين لبيب بأن الزمالك كان عايش على فلوس ترك الشيخ فقد نفى ترك الشيخ فى مداخلة هاتفية مع سيف زاهر وأوضح عدم حصول مرتضى منصور على هدايا او مبالغ ماليه وكان تعامل مرتضى منصور معه بالند
ثانيا هل يقدر ميدو على استضافة مرتضى منصور لتوضيح للرأى العام او دفاعه عن نفسه مثلما فعل مع حسين لبيب كل هذا مرتب من قبل الوزير وشلة الغردقة إللى عضو فيها ميدو للنيل من مرتضى منصور فى الانتخابات القادمة للزمالك من قام بهدم استقرار النادى قاربنا من سنة من رحيل مرتضى منصور ٠٠

حسين لبيب اصبح الان علي العلن يتحدث كذبا وزورا  وتدليسا لانه واخد التعليمات من اسيااااده لتشويه الزماااالك 

ولو انت راجل صادق بتحداك  تطلع المستندات التي تثبت كلامك  وتقول ترك الشيخ صرف ازاي علي الزمالك ودفع كاااام 

اي حد هيدعم الناس دي من النهاردة بعد التصريح دة فهو خااااين ولا يستحق ان ينتمي لكيااان الزمالك 

وتاني بأكد اطلع اثبت كلامك يا حسين يا لبيب

 صحيح احنا اللي طيبين 

ازاي ننتظر من الصبي بتاع حسن مصطفي خير لنادي الزمالك  

اليكم ما قاله المدعو حسين لبيب :

عمرو اديب سأله عن الفلوس .. قاله ان البوتيكات والمحلات اللي علي سور النادي  ما بتدفعش فلوس من ١٠ سنين

وفيه قضايا مرفوعة عليهم 

قاله : اومال الزمالك كان بيصرف قبل كده منين ؟

قال :  المدة  فاتت كان تركى الشيخ  هو اللى بيصرف على النادى ؟!!!!!!!

اذا كان تركى الشيخ بنفسه طلع على التليفزيون وقال انه كل اللى عمله للزمالك انه  احضر  جروس و ساسى والنقاز  مقابل التنازل عن عقد عبد الله السعيد 

وقال ان العلاقه مع الزمالك علاقه نديه وتبادل مصالح مشتركه مع بيراميدز  حيث تم انتقال أحمد الشناوي و عمر جابر و علي جبر ولا قال ان المجلس خد ساعه ولا هما شويه عصابه وهلافيت 

وتابع رئيس اللجنة المكلفة بإدارة نادي الزمالك:”كجمهور لو دفع كل زملكاوي 100 جنيه وهناك مليون مشجع سيدفع لنا فهناك 100 مليون جنيه، هناك ديون على النادي بسبب قضايا منذ 3 أو 4 سنوات وأخرى خلال الـ 10 سنوات”، ليُقاطعه مقدم البرنامج، عمرو أديب بسؤال:لماذا الأهلي يمتلك أموالاً؟، ليرد لبيب:”الأهلي كمؤسسة يعمل بصورة صحيحة منذ فترة ونحن لم نكن كذلك ونكن الاحترام لكل الناس ولكن لم تُدار الأمور اقتصاديًا بصورة جيدة”.

واسترسل لبيب: “أرض مدينة 6 أكتوبر من الممكن أن تدر دخلاً جيدًا للنادي ولكن لم تُبنى ومهددة بالسحب إذا بُنيّت وتم دفع الاشتراكات ستدر دخلاً.. نبني نادي الزمالك ليس خرسانة ولكن كنظام، وبالرغم مما نعانيه لم أقل أني سأرحل دون أن أُسلم النادي للانتخابات، أريد تسليم النادي مظبوطًا قبل الانتخابات، أريد سداد مستحقات اللاعبين لكي أحافظ على الفريق”.

ووجه مقدم البرنامج سؤالاً له جاء:”هل لن نقدر على التجديد لبنشرقي؟”، ليرد:”الأمر لا يتعلق بالمال نهائيًا نستطع التجديد له ولكن هناك شرط لا أوافق عليه لمصلحة نادي الزمالك وسيُحل ولكن الأموال لن تُجبرني على عدم التجديد لبنشرقي.. سددنا 13 مليون جنيه للقضايا المرفوعة ضدنا، وهناك قضايا خفضنا قيمتها ونعمل على باق الأندية، لا أريد ترك النادي إلا وملف القضايا الخارجية مظبوطًا وأن يكون النادي لديه استدامة في موارده”.

وأردف:”كلجنة مؤقتة هناك أشياء لا نستطع حلها بطريقة سريعة بقدر إذا كان هناك مجلس مُنتخب وأريد تسليمه ميزانية مظبوطة وأكون قد حللت له مشاكل موجود ونضع أنفسنا على (تراك) صحيحًا، المجلس القادم سيكون أمامه مشروعين: 

الأول نادي 6 أكتوبر وسيدر دخلاً جيدًا ويصرف على الزمالك وكذلك مشروع شركة الكرة. نادي الزمالك من الممكن أن يكون من أغنى الأندية ولكنه في حاجة لإدارة محترفة رياضياً واقتصاديًا”.

احب اقوله يا كابتن انت مش صادق مع نفسك علشان كده انت مش صادق مع الناس 

مش قادر تقول ان الوزير (التابع )و الشركه الراعيه واللجان الخايبه إللى بيجبها الوزير (التابع) ولجنة اتحاد الكره والاعلام الجهلاوى وعصابه الاربعين حرامى هما سبب خراب النادى بعد أن كان وصل للعالميه على يد المستشار مرتضى منصور  ومش معنى أن تركى ال الشيخ يجيب ساسى يبقى بيصرف على النادى ده إللى سرقوا فلوسه ما عملوش كده لكن انك خايف تقول الكلام ده يبقى مينفعش تمسك ادارة النادى الملكى

انت بتخرف وتنفذ أجندة تشويه واضحه وبتدير حرب انتخابات قذرة

الكابتن حسين لبيب شخصية محترمة مهزبة لا يعرف الكذب . 

ولكن من لقنوة الحوار جعلوة يكذب فى بعض الأمور وكانت واضحة. 

اولا . الغرامات ميدو كان يحاول الصاقها بالمستشار مرتضى منصور 

سؤال . غرامة  باتشيكو مين مشاة…؟ 

ثانيا . القيد موقوف فى الزمالك ودى عقوبة قانونية ونهائية حضرتك بتحلها ازاى هتغير قوانين الفيفا مثلا دى واحدة . 

الثانية اللعيبة إللى حضرتك اشتريتها هتقيدها ازاى ولو حضرتك عارف انهم مش هيتقيدو بتشتريهم ديكور مثلا.  

ثالثا . موضوع الأعضاء والتلميح على أن مرتضى قال لهم لا تسددو الاشتراكات عشان تعرقلو اللجنة .

 …انا اعرف ان شخص يؤثر على 10 أعضاء مثلا  او 100عضو ياسيدى 1000عضو دة نفترض أن لية عيلة واصدقاء واصدقاء الأصدقاء. انما مرتضى فاضى يكلم ويؤثر على 50000 ألف عضو  او  100000 الف  يا راجل ياطيب ادينى عقلك. لو فعلا فدة بحب مرتضى وليس اجبار او توجيهات الجمعية العمومية الزملكاوية  غير موجهة عيب يا كابتن.  

رابعا. الكابتن أسامة نبية كان واضح فى بيانة والرجل  زملكاوى صادق لما ياخذ مستحقاتة ومكفائات الفوز المتاخرة هوا والجهاز المصرى والطبى. وعلى فكرة شيكابالا قال نفس الكلام مع عمرو اديب .

خامسا . بن شرقى نفس سيناريو ساسى..  ..؟

اخيرا. لا نقبل اى اسائة لشخصك المحترم ولا لعائلتك. ولكن عليك أن تحترم الشعب الزملكاوى ولا تفعل كل مايطلبة منك شلة الغردقة  ووزيرهم الملاكى . .   

  حسين لبيب بيقولك ترك كان بيصرف على النادى
فين فلوس اشتراكات الاعضاء
فين فلوس شركة الراعية

فين فلوس البث
فين فلوس اعارات وبيع اللاعبين
فين ايجارات محلات النادى
فين تبرعات جماهير الزمالك بالبنوك
بتقولنا مشكلة بن شرقى شرط جزائى ودلوقتى مشكلته فلوس
حرقت نفسك بنفسك يا لبيب لا هينفعك وزير الخراب ولا ممدوح عباس اللى رجالته معاك

 

رد تركي الشيخ علي حسين لبيب

🛑   تركي آل الشيخ عبر “فيسبوك”: لقد اطلعت على بعض التصريحات التي خرجت اليوم وتم ذكر اسمي فيها وأحببت ان أوضح أن كل ما دفع من أموال في الاستثمار الرياضي في بلدي الثاني مصر كان هدفه الاستثمار ومحبة مصر وأهل مصر الطيبين … أرجو عدم زج اسمي في أي موضوع .. صفحة استثماري الرياضي في مصر الحبيبة انتهت منذ سنوات ولايوجد فيها أي منة او فضل مني بل كان استثمار ودعم من محب لمصر وقيادتها وشعبها … احببت أن أوضح ذلك وأتمنى أن تتفهموا رغبتي في اقفال الحديث في الماضي الذي لن يجدي بشيء … مع كامل محبتي وتقديري …  وادعوكم للاستمتاع في موسم الرياضي ان شاءالله … لكم كل الحب

 

عيب يا لبيب كل كلامك كدب للاسف انت بتشوهة صورة الزمالك باعتمادة على فلوس ترك الشيخ علشان مايبقاش الجهلى بس اللى اخد فلوس من ترك الشيخ والزمالك كمان يعنى انت ساويت بنا وبنهم 

 لا يا لبيب انت ليس زملكاوى انت بتنفذ باقى المخطط لهدم الزمالك بامر من الوزير انت ومن معك فضيتوا النادى من الفلوس واللاعيبة انت ومن معك عااااار.   شوف تركى الشيخ رد عليك وقالك اية.    قال دا استثمار  يا كداب مش زى ماانت بتقول النادى كان عايش على فلوسة

اقترح علي الكابتن حسين لبيب  بدل مايجمع 100 جنيه من مليون زملكاوي  اقترح الاتي :
انه يجمع مليون جنيه من   كل رجل الاعمال اللي بيقال عليهم انهم زملكاويه وبيصارعو علي مقعد من مقاعد مجلس الاداره وهم :-
حسين لبيب و ممدوح عباس والعتال واحمد سليمان والعماوي ومصطفي عبدالخالق وعبدالله جورج و روؤف جاسر  وغيرهم كتير  ورؤساء و اعضاء مجالس ادارات الزمالك السابقه ولعيبه الزمالك السابقه امثال فاروق جعفر وحسن شحاته و حسين السيد وايمن يونس و النائب حازم امام وحلمي طولان  ونادر السيد وايمن منصور واحمد رمزي وطارق يحي وهشام يكن ومحمد ابوالعلا وخالد الغندور  والحاوي ومؤمن سليمان  وغيرهم وغيرهم وحتي لعيبه الزمالك الحاليه بالجهاز  الفني والاحهزه الفنيه التي عملت بالزمالك سابقا  اما انك تنتظر 100 جنيه من زملكاوي بيشتري عيش مدعم ببطاقه التموين وتسيب المذكورذن اسملئهم فهذا لايليق

طب شوف يا حسين يا لبيب

دي مرتبات البعض في لجنة العااار شهريا
📔حسين السمري 50 الف جنيه
📔طارق جبريل 50 الف جنيه
كل واحد 2 سكرتارته كل واحدة 10 الف جنيه
📔عاطف النمر 30 الف جنيه
📔يحي حسن 30 الف جنيه
📔كامل جودة 30 الف جنيه
📔عمرو الدرديري 35 الف جنية و2 سكرتارية كل واحدة 10 آلاف جنية
 🔴مرتضي منصور ومجلسه لم ولن يتقاضي مليم من نادى الزمالك وكان متطوع حبا في النادى والجدير بالذكر مرتضي  كان بيجب صفقات من العيار الثقيل وخلي النادى عالمي ✋

تخيل ان ولا واحد من الي جمهور ونادي الزمالك خلاهم بني ادمين من اللاعبين السابقين الي عملو ملايين من نادي الزمالك وركبو عربيات وسكنو فانضف مناطق القاهره 

ولسه بيستفادو من اقتران اسمهم بنادي الزمالك حتي الان سواء من وجود اعلامي او في مجال تدريب او حتي وظائف اداريه 

ناهيك عن كبار رجال الاعمال الي منهم اللجنه الي بتشحت عالنادي دلوقتي 

ولا واحد فيهم اتبرع بجنيه 

ولا حتي براتب من الي بياخذه من قناه نادي الزمالك.

زي خالد الغندور وطالعين بكل عين بجحه يطالبو الناس الغلابه بالتبرع 

انتو فين واتبرعتو بكام عايزين نشوف فلوسكم الي عملتوها من ورا نادي الزمالك 

انتو المفروض اول الناس الي تتبرعوا 

تخيل عايزينك تتبرع علشان الهبدور ياخد ٦٠٠الف فالشهر 

وابو العلا ياخذ راتب من جيبك 

وهما اصلا بيضللوك وبيهدو فناديك علشان يفضلو موجودين والراتب يستمر 

لو فيكم راجل وانا اشك بدا 

يتبرع للنادي ويطلع يعرض وصل البنك 

وكله ما تملكون اصلا من خير النادي عليكم 

وكل ما تجنون حتي الان من اموال 

فعلشان اسمكم اقترن فيوم من الايام بنادي الزمالك 

مفيش عندكم مبدا ولا كرامه

 

على أعضاء الجمعيه العمومية لنادي الزمالك وجماهير نادي الزمالك الوقوف بقوه ضد مخطط وزير الرياضه الفاسد الفاشل الذي قام بزيارة بتاع الساعات بعد عودته من المانيا وشرب شاي بالياسمين وبدأ في مخطط هدم الزمالك بلجان فاشله واخرهم لبيب ولجنته .
فاروق جعفر وحسين السيد يجب طردهم فورا من النادي
النادي الفرنسي اللي فضح اللي عايزين عموله لتسهيل موضوع مصطفى محمد الموضوع كان صحيح وتم الترمخه عليه وكان بطله   المتزملك فاروق جعفر الذي لا يهمه الا العمولات

من هو الشخص فااااااااشل !!!!
الي يسيب ملف ادارة الكورة في ايد معاتيه زي حسين السيد وفاروق جعفر ……. شخص فاااااشل !!!
الي يسمح بمرمطة كرامة نادي كبير زي نادي الزمالك ويرجع لاعب هارب ونصاب ………. شخص فاااااشل

الي مأجر شوية لجان الكترونية عشان يطبلوله عشان ميتقالش ان الجمهور بيهاجمه ……… شخص فاااااااشل
الي يفضي فريق كرة القدم مابين بيع واعارات ومش عارف يجيب احتياجات الفريق حتى ……. شخص فاااااااشل .
الي سايب ملف الطايرة و السلة و اليد و معملش فيه ولا تدعيم حتى اللحظة والفريق برضو بيفضى …….. شخص فاااااشل
لازم تفهم يالبيب انتا ولجنتك ان كل الانجازات الي حققها نادي الزمالك الفترة الاخيرة كانت بفضل ربنا وثم مرتضى منصور ومجلسه لانه هو الي جايب كل اللاعيبة دي

عرفتم مرتضي اتشال ليه عشان مايكلمشي علي ننوس عين امه ولا علي الوزير الي محسوب علينا وزير رياضه اسمعو قنوات الرياضه في الامارات والكويت والسعوديه الا فعلا يعرفو قيمة الزمالك

لما شوبير وشلبي وشله الغردقه تدعم اللجنه تفهم ايه علي طول حبيتوا تلمعوه طفيتوه، ودلوقت بترمموه، إعلام إبن أهلاوي صحيح!

القلب لا يسع إلا ما يريد، وعندما ستشعر وزارة العار بالفشل، ستلغي انتخابات الزمالك كي يستمر الفساد دون رادع 

 زيك زى غيرك يا لبيب .. الكرسى ابتدى يحلو فى عنيك وابتديت تخطط بالضرب تحت الحزام فى مجلس مرتضى بالهلفطه باى كلام حتى لو على حساب الكيان والجماهير 

  قولا واحدا الزمالك ليس له حبيب حقيقى الا جماهيره  وغير ذلك فالجميع لا يخدم إلا نفسه ومصلحته الشخصيه فقط وانا بصفتى أحد محبى هذا الكيان أعلن من الآن عدم دعمى لهذا الرجل

للاسف الشديد انا كزملكاوى غير مقتنع بولولة حسين لبيب على كل القنوات حول ازمة الزمالك المالية وللاسف يقول ان هناك من يحرض الاعضاء على عدم دفع الاشتراكات فلماذا لاتفرض غرامة كما كان يفعل مرتضى وان من اول اكتوبر الدخول فقط لمن جدد العضوية
ثانيا اين دور المليادرات من اعضاء اللجنة المؤقته الذين اختارهم الوزير لعضوية اللجنة. أنا مش فاهم الناس دي بتشتغل ازاي.

تنمية الموارد مش انك تسحب فلوس من حسابك تعالي و انا أعلمك

واحد زي هاني برزي قال انه كسب ملايين من جماهير الزمالك ازاي مش عارف  يحل مشاكل الزمالك المادية .

ثالثا اين حصيلة التبرعات فى حساب  ١٩١١ولماذا لايتم الاعلان عنها
رابعا لماذا لايسمح للزمالكاوية بمشاهدة تدريبات الفريق مقابل تذكرة ب٢٠جنيه
خامسا رئاسة نادى الزمالك اكبر من حسين لبيب والاكرم له ان يعتذر عن الاستمرار

 

الحكاية ان وزير العار و شلة الغردقة و مافيا الرياضة أعطوا تعليمات للجنة لبيب بتغريق الزمالك في الديون بحيث لا يستطيع شراء أي لاعيبة في الانتقتلات الصيفية و اللاعيبة الموجودة كمان تطفش و ينهار الزمالك و يفضل الخطيب وننوس عين أمه وحدة علي الساحة يفوز بكل البطولات.

و كل ده طبعا بمساعدة الخونة المتزملكين المرتزقة.

لكن ربنا موجود و سوف تسقط يا خطيب في الانتخابات و حسبي الله و نعم الوكيل. 

الدولة مازالت تريد القطب الواحد و تعمل كل ده عشان بطل واحد

و الزمالك يكون دائما الكومبارس في المسرحية .

طب قولو لي ايه الي حصل في البلد بعد فوز الزمالك بكل البطولات في كل الألعاب في 2021 الشعب نام زعلان 

هل حصل حرب أهلية ولا فوضي و لا أي شيء

لم يحصل أي شيء و الحياة عادية في مصر زي ما هي 

يبقي انتم عايزين تعيشوا الناس في وهم و أكذوبة علشان جيوب مافيا الرياضة تتملي فلوس من دم الشعب الغلبان 

لكن الله يمهل و لا يهمل .


حنتكلم دلوقتي علي مرتضي منصور 

و مرتضي منصور طلع و قال حأعمل فيديو رد علي أكاذيب حسين لبيب

و ميدو 

تبقي دي دعاية انتخابية و احنا عايزين نعرف انت فعلا حتدخل الانتخابات و دي حاجة تسعدنا و نتمناها و ده عن طريق وعود و لا صفقة و ايه الضمانات الي اخذتها يا سيادة المستشار. 

فلابد الآن يا سيادة المستشار عمل الآتي :

أولا : عمل فيديو او حوار علي الفيس بوك أو قناة الجرئTV  

موضحا فيه الحقيقة كلها و من هو الرجل الي منعك من الظهور الأعلامي و اذا كنت غير محظور أطلع و قول خطتك في المرحلة القادمة و الانتخابات

ثانيا: التقدم بملف الشكوي للفيفا و محكمة الكاس فورا و دون أي تأخير

و اذا لم تستطع ارسل لنا توكيلات للذهاب بالشكوى للفيفا

ثالثا : بعد التأكد من موقفك في الانتخابات يجب أن تطلعنا علي القائمة التي ستنزل بها حتي نقوم بعمل قائمة أخري لدخول الانتخابات تحسبا لأي مفاجأت.

فالموضوع خطير و ليس سهل يا سيادة المستشار الدولة كلها بمؤسساتها تدعم حسين لبيب و بتقول هناك استقرار و الزمالك يفوز بالبطولات يعني حسين لبيب كويس

و لا يعلمو ان الله سبحانه و تعالي و عدالة السماء و دعوات جماهير الزمالك و رجولة اللاعبين الي انت جبتهم يا سيادة المستشار هي سبب فوز الزمالك بالبطولات في كل الألعاب الجماعية في 2021

 

و رسالتي الي  أعضاء الجمعية العمومية و جماهير الزمالك و انتو عرفتو عددكو قد ايه و تأثيركو قد ايه في السوق و لكن يجب الاستفادة من هذا في الاتحاد و عدم الاختلاف و الفرقة  للدفاع عن نادي الزمالك و تطهير الرياضة المصرية بإرسال ملايين الايميلات للفيفا حتي تتحرك  لإقالة هاني أبو ريده و المنظومة الكروية الفاسدة في مصر و قد قام الأستاذ محمد فاضل في قناة الجرئ بعمل فيديوهات وضح فيها كيفية عمل الإيميلات للفيفا و محتواها أيضا.

و قد تحدد باب الترشح لأنتخابات الزمالك في 1/10/2021 و الانتخابات يوم 19 نوفمبر 2021.

خلي بالكم أصواتكم هي الي بتجيب رئيس النادي فأعطو أصواتكم للي يستاهل و يكون قادر علي قيادة نادي الزمالك العظيم في ظل هذه المنظومة الفاسدة حتي نتمكن من القضاء عليها .

و لا تسمعي كلام الأعلام الي بيلمع في حسين لبيب اول الذي سترشحه الدولة.

اذا تواجد المستشار مرتضي منصور في الانتخابات و رأينا الأجواء جيدة و كان قد تقدم بشكوي للفيفا سنقف معه و اذا اعتمد فقط علي الوعود و الصفقات سوف ننزل بقائمة الإنقاذ و سنراقب الانتخابات للتأكد من نزاهتها حتي نفوز بها بعون الله و أعضاء الجمعية العمومية و جماهير الزمالك. 

و لكننا سنظل خلف نادي الزمالك و لن نتركه و لن نيأس أبدا لتحريره من مافيا الرياضة و المرتزقة المتزملكين و أقول لهم أن زمالك 2005 لن يعود و العشرية السوداء لن تعود أبدا مهما عملتم لأن الوقت و الإعلام اختلف.

 

 أخيرا أرجو ألا أكون قد أطلت عليكم و لكن نادينا الحبيب يستحق منا ذلك و اتمني لكم جميعا الخير و السعادة و أن شاء الله سنعيد نادي الزمالك لمنصات التتويج و الاستقرار و الرقي و التقدم و أنا متفائل بالحب و التعاون .

    و السلام عليكم و رحمة الله و بركاته

د. سامح رضوان

لمشاهدة جميع المقالات والأخبار إضغط هنا

لسرعة التواصل معنا ارسل ايميل لنا ..اضغط هنا

You may also like...

2 تعليقان

  1. يقول نجاة محمد:

    احسنت يا ولدي سامح اخبطهم علي رأسهم بالشومة و افضحهم فقد صبرنا عليهم كثير

  2. يقول محمد فاضل:

    أحسنت دكتور سامح مقال رائع شكرا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *